G20 - 人定勝天 or 命中注定？

今年G20特別重要，重要在乎各國有其利之所在，一個決定，足以決定未來30年的命運。
目前來看，可分為四大幫派

四大幫派：
A) 量化寬鬆派：英、美為首
B) 新全球結算貨幣派：中、俄、巴為首
C) 新金融業監管機構派：德、法為首
D) 花生派：日、印、西班牙等......

A派中，英可謂"洗濕左個頭"，如果美唔做QE的話，只有英磅扁值，英國就如索羅斯咁預計：P硬K。而美國佬要襯美元仲係結算貨幣前，大量印錢，推高資產價格(price of capital asset)，實行對發展中國家禁住搶，同時令美國受惠於income effect。不單可以救番自己，同時仲可保住世界大佬地位(同人收保護費，不過唔洗人比錢，自己印就算)。由此可見，英國就似就破產的小混混，美國就似同人開片攪到重傷的大佬，一個為條命，一個為金錢、名譽、地位。

B 派中，中國知道一日美元仲係全球結算貨幣，邊個越早賣(sell)美國國債、邊個就係傻仔，仲知道美國就黎要攪個世界性資產(capital asset)大通脹，只要出左隻新結算貨幣，美國的奸計/偉大的計劃就不能使用，美元同英磅同時you jump i jump。俄國佬係唔介意世界性資產大通脹，但有位攻擊下美國，同時又賣個人情比中國，何樂而不為？而筆者冇記錯的話，巴西的總統最近話：是次金融海嘯是那些藍眼睛的白人弄出來，為何要黑人和印第安人付出代價？是一向自以为是的白皮膚、藍眼睛的人所造成的危機。巴西覺得唔服比人禁住搶，所以利之所在，同中國friend埋。而家呢三個國家係：中國出錢出力，俄、巴出原材料同出聲。其切膚之痛不及英、美。

C 派中，法國佬有心無力，德國佬有力無心，前者得把口，後者其實金融海嘯只令佢窮少少，對生活沒大影響。仲有，歐盟無能力玩埋量化寬鬆呢個遊戲，因為佢地唔係一個國家！仲有佢地進出口量都唔算大(德國除外)，去過歐洲就知，歐洲佬係唔會餓死、窮地架！因此佢地唔care資產通脹，此舉其實仲可以幫下佢地d金融業添，硬食都死唔佢既。其實歐洲佬都唔多like中國人，所以除非利之所在，都唔會支持中國。因此，只提出：金融制度齊齊玩！

D派中，印、日係美國條o靚，唔出聲姐係代表唔支持美國禁住搶，但又唔可以落大佬面，西班牙等又知道就算C派的"金融制度齊齊玩"成功，德、法先係歐盟代表，咪食往花生等睇戲囉。

總結：
三個結果-->三個最有可能結局
一、沒共識-->英、美照印錢，太陽照樣每天從東邊升起
二、沒共識-->新興國家、歐洲、中東另起新貨幣做trade，唔同美國玩trade，但英、美照印錢，睇下邊個死先
三、有共識-->只有C派成功，英磅大幅扁值

張五常教授說年內會出現1x%通脹，如果美聯儲成功，絕對會出現。
伯南克跟Geithner就是不懂政治的傢伙，經濟學是if，then邏輯，從來不知exogenous的if會否發生。所以筆者問：人家勝天or命中注定？